News Portal

  • आइफोनका चार नयाँ मोडल लन्च

    ७१२ पटक

    एजेन्सी । अमेरिकी टेक कम्पनी एप्पलले आइफोन १२ सिरिज लन्च गर्दै चार नयाँ मोडल बजारमा ल्याएको छ । एप्पलले मंगलबार ‘डिजिटल इभेन्ट’ यसको घोषणा गरेको हो । एप्पलले आइफोन १२ का ह्‍यान्डसेट फाइभ जी नेटवर्कले सज्जित हुने पनि पुष्टि गरेको छ ।

    एप्पल प्रमुख टिम कुकले भने, “हामी आइफोनको आफ्नो पूरै लाइनअपमा फाइभ जी ल्याउँदै छौं । यो आइफोनका लागि नयाँ युगको सुरुवात हो ।” एप्पलले आइफोन १२ (६४, १२८, २५६ जीबी स्टोरेज), आइफोन १२ मिनी (६४, १२८ र २५६ जीबी स्टोरेज) का साथै आइफोन १२ प्रो (१२८, २५६ र ५१२ जीबी स्टोरेज), आइफोन १२ प्रो म्याक्स (१२८, २५६ र ५१२ जीबी स्टोरेज) लन्च गरेको छ ।

    कति पर्छ मूल्य ?
    यी मोबाइल फोनको मूल्य झन्‍डै ७० हजारदेखि एक लाख ३० हजार भारतीय रुपैयाँको बीचमा छ ।

    आइफोन १२ मिनीको मूल्य ६९ हजार नौ सय, आइफोन १२ को मूल्य ७९ हजार नौ सय, आइफोन १२ प्रोको मूल्य एक लाख नौ हजार नौ सय र आइफोन १२ प्रो म्याक्सको मूल्य एक लाख २९ हजार नौ सय भारतीय रुपैयाँ छ ।

    ६४ जीबी स्टोरेज भएको आइफोन १२ मिनीको मूल्य भारतमा ६९ हजार नौ सय रुपैयाँ हुनेछ । तर, यही फोन यदि तपाईंले २५६ जीबी स्टोरेज भएको खरिद गर्दा मूल्य बढेर ८४ हजार नौ सय रुपैयाँ हुनेछ ।

    त्यस्तै ५१२ जीबी स्टोरेज भएको आइफोन १२ प्रो म्याक्सको मूल्य एक लाख ५९ हजार नौ सय रुपैयाँ हुनेछ ।

    आइफोन १२ मिनी फाइभ जी प्रविधियुक्त विश्वको सबैभन्दा सानो फोन हो ।

    कहिलेसम्म बजारमा आउँछ ?
    विश्‍वभर आइफोन १२ मिनीका लागि प्रि–अर्डर नोभेम्बर ६ बाट सुरु हुनेछ भने नोभेम्बर १३ बाट उपलब्ध हुनेछ । आइफोन १२ र आइफोन १२ प्रोको प्रि–अर्डर अक्टोबर १६ बाट सुरु हुने भने अक्टोबर २३ बाट पाइनेछ । यस्तै आइफोन १२ प्रो म्याक्सको प्रि(अर्डर नोभेम्बर १३ बाट सुरु भएर नोभेम्बर २० बाट बिक्री सुरु हुनेछ ।

    तर, भारतमा यी नयाँ आइफोन कहिलेबाट बिक्री वितरण हुने भन्‍नेबारे कुनै जानकारी नभएको बीबीसीले जनाएको छ ।

    प्रतिकृया दिनुहोस्

    हनुमन्ते खोलामा सेनाका हवल्दारको शव फेला

    भक्तपुर । भक्तपुर-१, सल्लाघारी स्थित हनुमन्ते खोलामा शव फेला परेको छ । दिउँसो करिब साढे...

    भक्तपुर आए आधा दर्जन सहसचिव

    भक्तपुर । नेपाल प्रशासनिक प्रशिक्षण प्रतिष्ठानका प्रशिक्षार्थी रहेका निजामती सेवाका सहसचिवहरुले भक्तपुर नगरपालिकाको अध्ययन भ्रमण...

    बनेपाको अग्नी सहकारी पीडितलाई उजुरी गर्न एक हप्ताको समय

    काभ्रेपलाञ्चोक । काभ्रेपलाञ्चोकको बनेपा नगरपालिका–८ सिनागालमा अवस्थित ‘अग्नी बचत तथा ऋण सहकारी संस्था लिमिटेड’सँग सम्बन्धित...

    इप्सन भक्तपुरको वादविवादमा यी भए अगाडि

    भक्तपुर । शिक्षा अब केवल परीक्षाको अङ्कमा मात्र सीमित रहेन, तर्क, विचार र अभिव्यक्तिको पनि...

    ललितपुरमा राधा–लक्ष्मण क्रियाशील पत्रकारिता पुरस्कार स्थापना

    ललितपुर, २२ साउन २०८२ । नेपाल पत्रकार महासंघ, जिल्ला शाखा ललितपुरले पत्रकारितामा सक्रिय योगदान पुर्‍याउने...