भक्तपुर, २७ पुस एयर इन्डियाको एक फ्लाइट सोमबार बिहान सान फ्रान्सिस्कोबाट बेंगलुरु पुग्यो । यो उडान धेरै मानेमा विशेष थियो, किनकी एयरपोर्टमा उत्रने वित्तिकै विमानले इतिहास बनायो । यस उडान ९एआई–१७६० का सबै पाइलटहरु महिला थिए । उनीहरूले उत्तरी धु्व ९नर्थ पोल० हुँदै विश्वको सबैभन्दा लामो यात्रा गरे । एयर इन्डियाका अनुसार यो विश्वमै सबैभन्दा लामो व्यवसायिक उडान हो ।
विमानले साढे १३ घण्टामा १३ हजार नौ सय ९३ किलोमिटरको यात्रा गरेको छ । जहाजको चालक दलको कमान्ड क्याप्टेन जोया अग्रवालले लिएकी थिइन् । ककपिटमा उनीबाहेक क्याप्टेन पापागरी थनमई, क्याप्टेन आकांशा सोनवरे र क्याप्टेन शिवानी मन्हास थिए ।जोया बोइंग–७७७ उडाउने सबैभन्दा कान्छी महिला पाइलट पनि हुन् । उनले सन् २०१३ मा यो रेकर्ड बनाएकी थिइन् ।
विमान अवतरणपछि एयरलाइन्स कम्पनीका कर्मचारीले ताली बजाएर उनीहरुको स्वागत गरेका थिए । भारतीय उड्डयन मन्त्री हरदीप सिंह पुरीले यी पाइलट महिलालाई उडानमा इतिहास बनाएकोमा सामाजिक सञ्जालमार्फत बधाई दिएका छन् ।
एयर इन्डियाले पनि शानदार यात्रा पूरा गरेको भन्दै महिला पाइलटको समूहलाई बधाई दिएको छ ।