काठमाडाैं २३ फागुन २०७७ आइतबार होटल तपसमा सखी प्रतिष्ठान, काठमाडौंले अन्तर्राष्ट्रिय नारी दिवस २०७७ (International Women,s day- 2021) को अवसरमा “राष्ट्रियता प्रबर्द्धनमा नारी भूमिका “बिषयक विचार गोष्ठीको आयोजना गर्यो ।
सखी प्रतिष्ठानकी अध्यक्ष मन्जिला अनिलको अध्यक्षतामा सम्पन्न सो कार्यक्रमको प्रमुख अतिथि नेपाल प्रज्ञा प्रतिष्ठानकी प्राज्ञ माया ठकुरी रहेकी थिइन् । सो कार्यक्रमका विशिष्ट अतिथिहरु राष्ट्रिय सूचना आयोगकी आयुक्त माननीय कमला ओली, मातृभूमिका लागि नेपालीका संयोजक देवप्रकाश त्रिपाठी, वरिष्ठ साहित्यकार राधेश्याम लेकाली र वरिष्ठ गीतकार प्राज्ञ उन्नती बोहरा शीलाले आआफ्नो मन्तव्य राखेका थिए ।
यसैगरी अतिथिहरु व्यवसायी, समाजसेवी एवं गीतकार अस्मिता सुमार्गी, संचारिका समूहकी सह संयोजक कमला पन्थी, अतुल स्मृति गुरुकुलकी अध्यक्ष बन्दना गौतम र व्यवसायी अन्जु सुवेदीले पनि आआफ्नो मन्तव्य राखे । सखी प्रतिष्ठानको आजै उदघाटन पनि गरिएको थियो । सो प्रतिष्ठानको तदर्थ समितिको अध्यक्षमा मन्जिला अनिल, उपाध्यक्षमा एल्सा झा, महासचिवमा कमला रिसाल, सचिवमा रुपा पौडेल र कोषाध्यक्षमा मेनका लामा रहेका छन् भने सदस्यहरुमा क्रमशः शान्ति रिसाल, नीशा रिमाल, ईश्वरी लामा याचकी र राधा भण्डारी रहेका छन् ।
कार्यक्रममा प्रमुख अतिथिलगायतले सखी प्रतिष्ठानको स्थापना भएकोमा बधाई ज्ञापन गर्दै अन्तर्राष्ट्रिय नारी दिवस र नारी शक्तिबारे चर्चा गरेका थिए । प्रतिष्ठानकी महासचिव कमला रिसालले स्वागत मन्तव्य तथा उपाध्यक्ष एल्सा झाले धन्यवाद ज्ञापन गरेकाे कार्यक्रममा कोषाध्यक्ष मेनका लामाले नृत्य प्रस्तुत गरेकी थिइन् ।
कार्यक्रम संचालक सचिव रुपा पौडेल थिइन् । कार्यक्रममा कविहरु रन्जना निरौला, शान्ति रिसाल र मनिला वन्तले आआफनो कविता वाचन गरेका थिए । कार्यक्रममा मातृभूमिका लागि नेपालीका सहसंयोजक – नारायण कोइराला, अनेसास नेपालका कोषाध्यक्ष किशोर श्रेष्ठ, सदस्यहरु मधु पाठक, सुमन घिमिरे, द्वारिका कुइकेल, साहित्यकारहरु उपमा आचार्य, पुष्पा खनाल, शान्ता बस्नेत, सुवासप्रसाद पाण्डे, सिर्जना भेटवाललगायतको उपस्थिति रहेको थियो ।