News Portal

  • नेता डिपी ढकालको पहलपछि काठको पोल प्रतिस्थापन : ६ सय घरपरिवार लाभान्वित

    बाबुराम दाहाल / भक्तपुर पोस्ट भक्तपुर, ३ बैशाख २०७७
    १८३० पटक
    भक्तपुर, ३ बैशाख २०७७

    वर्षौदेखि बिजुली भएर पनि बत्ति बाल्न नपाएका नगरकोटबासी करिब ६ सय घरपरिवारको समस्या समाधान हुने भएको छ । लो भोल्टेजका कारण बत्ती बाल्न नपाएका स्थानीयको समस्या समाधान हुन लागेको हो ।

    विद्युत आपूर्ती सम्बन्धी प्राविधिक समस्या तत्काल समाधान गर्ने बचन दिएका तत्कालिन नेकपाका उम्मेदवार एवं नेकपा (माओवादी केन्द्र ) भक्तपुरका संयोजक डिपी ढकालको पहलपछि उक्त समस्या समाधान हुने भएको स्थानीयले बताए ।

    विद्युत आपूर्ती सम्बन्धी प्राविधिक समस्या समाधानका लागि काठे पोल प्रतिस्थापन गर्दै स्तरीय पोल गाड्ने काम शुरु भएपछि स्थानीय दङ्ग देखिएका छन् । विद्युतको समस्या वर्षौदेखि समाधान नहुँदा अध्यारोमा बस्न विवस उनीहरुले उक्त समस्याबाट छुट्कारा पाउने भएपछि शुक्रवार नेता ढकाललाई बोलाएरै आभार प्रकट गरे ।

    चाँगुनारायण नगरपालिका वडा नम्बर ६ का स्थानीय नेता दीपक तामाङ्गका अनुसार उक्त क्षेत्रका करिब ६ सय घरमा विद्युत प्राधिकरणले वितरण गरेको बिजुलीमा लोड नहुँदा टर्जलाइट जस्तो बत्ती मात्र बल्ने र कम्प्युटर, टिभी,हिटर, मोटर लगायत उपकरण संचालनमा समस्या रहेको छ । वर्षौदेखि उक्त समस्या समाधान नहुँदा स्थानीय आजित बनेका छन् ।

    गत मंसिरमा नेता ढकालले विद्युत प्राधिकरणका भक्तपुर वितरण केन्द्र प्रमुख रहेका राजकुमार रमणलाई तेलकोट देखि नगरकोटसम्म स्थलगत अवलोकन गराई स्तरीय विद्युतीकरणका लागि आग्रह गरेका थिए । पूर्ण क्षमताको ट्रान्सफर्मर स्थापना गर्न र काठको पोल बिस्थापित गर्दै उच्च प्रवाह क्षमताको विधुतीय तार समेत जडान गर्नुपर्नेमा जोड दिंदै नेता ढकालले वितरण केन्द्रका प्रमुख रमणलाई फास्ट ट्याकमा काम गर्न अनुरोध गरेका थिए । आफू र आफ्नो पार्टीले माथिल्लो तहसम्म समन्वय गर्ने भन्दै उनले काम शुरु गर्न अनुरोध गरेपछि वितरण केन्द्रका प्रमुख रमणले तत्काल समस्या समाधान गर्ने प्रतिवद्धता प्रकट गरेका थिए ।

    प्रमुख रमणले स्थानीय आवश्यकता अनुरुप पोल प्रतिस्थापन र तार विस्तारको प्रतिवद्धता प्रकट गरेपछि नेकपा (माओबादी केन्द्र) का स्थानीय नेता राजु लामिछाने र दिपक तामाङ्ग लगायतले निरन्तर फलो अप गरेका हुन् । फलस्वरूप, ४ महिनामा पोल ठड्याउने काम शुरु भएको हो । पोल ठड्याउने कामपछि तार विस्तारका काम समेत शिघ्र थाल्ने प्रमुख रमणले प्रष्ट पारे । योजना बनाउन र ठेक्का लगाउन समय लागेकाले काम केहि महिना ढिला भएको भन्दै उनले अब काम नरोकिने बताए । ”यसै आर्थिक वर्षभित्रको योजना हो, समस्या समाधान हुन्छ चिन्ता मान्नु पर्दैन ।” प्रमुख रमणले भने ।

    पोल हाल्ने काम शुरु भएकोमा नेता ढकालले समेत सन्तोष व्यक्त गरे । गत उपनिर्वाचनमा आफू उम्मेदवार रहँदा चाँगुनारायण क्षेत्रका मतदातालाई विद्युत आपूर्तीको समस्या समाधान गर्ने बचन दिएको स्मरण गर्दै उनले त्यसको लागि निरन्तर लाग्ने स्थानीय कमिटी र सहयोग गर्ने सरकारी निकायप्रति आभार पनि प्रकट गरेका छन् ।

    शुक्रवार उक्त कार्यको स्थलगत अवलोकनका लागि नेता ढकालले पार्टीका जिल्ला इन्चार्ज दिलिप प्रजापति भिष्म,पार्टीको बागमती प्रदेश सुशासन समितिका संयोजक देवेन्द्र श्रेष्ठ दिवाकर, जिल्ला नेता युवराज आचार्यलाई पनि तेलकोट पुर्याएका थिए । उक्त अवसरमा इन्चार्ज प्रजापतिले जनताको सेवा गर्न सत्ता नचाहिने कुरा यसबाट प्रमाणित हुने भन्दै पार्टीका स्थानीय नेताहरुले यसबाट सिक्नुपर्ने प्रतिक्रिया दिए ।

    यो पनि पढ्नुहोस् 

    वर्षौदेखि अध्यारोमा बस्न बाध्य नगरकाेटबासीका समस्या समाधान हुँदै

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...