भक्तपुर, २६ असार २०७८ काठमाडौं उपत्यकामा प्रहरीको नेतृत्व गर्ने जिम्मा भक्तपुरका प्रद्युम्न कुमार कार्कीले पाएका छन् । महानगरीय प्रहरी कार्यालय, रानीपोखरीमा सरुवा भए संगै भक्तपुर घर भएका एआईजी कार्कीले उक्त जिम्मेवारी पाएका हुन् ।
बिहीबार बसेको मन्त्रिपरिषद् बैठकले सबै एआईजीहरूको सरुवा गरेको हो । स्रोतका अनुसार महानगरीय प्रहरी कार्यालय, रानीपोखरीका प्रमुख हरिबहादुर पाल कार्य विभागमा पठाइएका छन् भने उनको ठाउँमा राष्ट्रिय प्रहरी प्रशिक्षण प्रतिष्ठान बाट सरुवा भै प्रद्युम्नकुमार कार्की आएका छन् ।
कार्की नेपाल सरकार मन्त्रीपरिषदको २०७७ साउन १२ गतेको निर्णय अनुसार प्रहरी नायव महानिरीक्षकबाट प्रहरी अतिरिक्त महानिरीक्षक(एआईजी)मा पदोन्नति भएका थिए । कार्की सूर्यविनायक नगरपालिका वडा नम्बर ७ मा पर्ने गुन्डुको कार्की गाउँका बासिन्दा हुन् ।
महानगरीय प्रहरी कार्यालयको प्रमुख भएसंगै उनी मातहत उपत्यकाका तीन जिल्लाका सबै प्रहरी परिसर, वृत्त,प्रभाग लगायतको कमाण्ड कन्ट्रोल रहने भएको छ ।काठमाडौं उपत्यकालाई संसारकै सुरक्षित उपत्यका बनाउने अभियानमा उनको योगदान कस्तो रहन्छ त्यो भने उनको कार्यकालमा देखिने नै छ ।
यो पनि
आइजीपी थापा कटुन्जेका, एआईजी कार्की गुन्डुका : नेतृत्व बलियो भएकाे आइजीपीकाे भनाइ