भक्तपुरपोष्ट संवाददाता२१ साउन २०७८
२१ साउन २०७८संयुक्त अरब इमिरेट्स ( युएई ) ले कोरोनाविरुद्धको खोप लगाएका नेपालीलाई प्रवेश खुला गरेको छ। युएईले आजदेखि लागू हुने गरी प्रवेश खुला गरेको आबुदावीस्थित नेपाली दूतावासले जनाएको छ।
त्यस्तै युएईको भिसा भएका तर खोप नलगाएका व्यक्तिलाई ४८ घण्टाको पिसिआर नेगेटिभ रिपोर्ट अनिवार्य गरिएको छ। युएइको सरकारी निकायमा कार्यरत व्यक्ति, स्वास्थ्यकर्मी, विद्यालय तथा विश्वविद्यालयका शिक्षक, युएइमा उपचार चलिरहेका व्यक्तिले प्रवेश पाउनेछन्।
उनीहरूले युएई सरकारको अनुमति भने लिनुपर्नेछ। त्यसरी युएई प्रवेश गर्नेका व्यक्तिको हकमा नेपालको विमानस्थलमा र्यापिड टेस्ट हुने र युएईका विमानस्थलमा अवतरण भएपछि पिसिआर परीक्षण हुनुका साथै क्वारेन्टिन लगायतका अन्य स्वास्थ्य प्रोटोकलको पालना गर्नुपर्ने दुतावासले जनाएको छ।