News Portal

  • भक्तपुर आफ्नो जन्मभूमी भएको भन्दै हरिप्रभाले भनिन्, इच्छाबिपरित एउटा इँट्टा पनि हालिदैन

    बुद्धशरण शाही/ भक्तपुरपोस्ट भक्तपुर, २ भदौ २०७८
    ९०६० पटक
    भक्तपुर, २ भदौ २०७८

    काठमाडौँ महानगरपालिकाकी उप प्रमुख हरिप्रभा खड्गी श्रेष्ठले भक्तपुर सल्लाघारीमा बसपार्क बनाउने बारे बैकल्पिक अध्ययन मात्र भएको बताएकी छन् । काठमाडौँ उपत्यकाका सबै नगरलाई ब्यबस्थित नगरपालिकाको रुपमा बिकास गर्न सबैसंग सहकार्य गर्दै जाने उनले प्रतिवद्धता समेत प्रकट गरेकी छन् ।

    भक्तपुर नगरपालिकाले मंगलबार सल्लाघारीमा बसपार्क बनाउने कार्यदलको प्रस्तावप्रति आपत्ति प्रकट गरेको सम्बन्धमा भक्तपुर पोस्टसंग प्रतिक्रिया दिंदै उपप्रमुख खड्गीले उपत्यकाको ट्राफिक ब्यबस्थापन र नगरवासीलाई सहजता प्रदान गर्न बिकल्प मात्र प्रस्तुत गरेको बताउदै त्यो नै अन्तिम उपाय नभएको स्पष्ट पारिन् ।

    उपत्यकाको बातावरणमा सन्तुलन कायम राख्न बढ्दो सवारी चापलाई नियन्त्रण गर्न आफ्नो नेतृत्वमा रहेको कार्यदलले बिकल्पको रुपमा मात्र भक्तपुरको सल्लाघारीलाई सम्भावित बसपार्कको रुपमा लिएको र दिगो रुपमा यो समस्यालाई  समाधान गर्न अन्य स्थानहरुको खोजि भैरहेको उनको भनाइ छ।

    उपत्यका प्रवेश गर्ने लामा दुरीका सवारीसाधन पूर्वका गाडी पूर्वमा नै र थानकोटबाट प्रवेश गर्ने गाडी चन्द्रागिरी नगरपालिका भित्रै त्यसैगरी दक्षिणकाली भएर प्रवेश गर्ने किर्तिपुर नगरपालिका भित्रै व्यवस्थित बसपार्क बनाउने हो भने सबैलाई सहज हुने उनको तर्क छ । यद्यपी, हस्तक्षेपको आफूहरुको कुनै मनसाय नरहेको उनले प्रष्ट पारेकी छन् ।

    भक्तपुर नगरपालिकाको अधिकार क्षेत्रमा काठमाडौँ महानगरपालिकाले कुनै किसिमको हस्तक्षेप गर्ने तर्फ आफूले सोच्न समेत नसक्ने उनले बताइन । भक्तपुर आफ्नो जन्मभूमी समेत भएको भन्दै काठमाडौं महानगरकी उपप्रमुख हरिप्रभाले भक्तपुरको इच्छा बिपरित कुनै कार्य नहुने प्रतिवद्धता प्रकट गरिन् ।

    भक्तपुर नगरपालिकाका मेयर सुनिल प्रजापति आफ्नो स्कूल पढ्दाको कक्षाको साथी समेत भएको भन्दै उनले आफ्नो कार्यदलका कारण भक्तपुर नगरपालिकाको चित्त दुखेकोमा दुख व्यक्त गरिन् । आफ्नो राजनीतिक जीवन मात्र नभई पारिवारिक जीवन भन्दा पनि माथि आफूले भक्तपुरलाई राखेर हेर्ने गरेको दावी गर्दै उनले भक्तपुरको इच्छाबिपरित सल्लाघारीमा एउटा इँट्टा पनि नहालिने भक्तपुर पोस्टसंग प्रतिक्रिया दिएकी छन् ।

    उपप्रमुख खड्गी नेतृत्वको कार्यदलले भक्तपुरको सल्लाघारीमा बसपार्क बनाउने सम्बन्धमा प्रतिवेदन पेश गरेको भक्तपुर पोस्टले समाचार संस्प्रेषण गरेपछि सोही समाचारलाई आधार बनाएर मंगलवार भक्तपुर नगरपालिकाले आफ्नो गम्भीर ध्यानाकर्षण भएको जनाएको छ । साथै,भक्तपुर नगरपालिकाले काठमाडौं महानगरपालिका कार्यदलको प्रस्तावप्रति कडा शब्दमा आपत्ति समेत प्रकट गरेको छ ।

    यो पनि पढ्नुस्

    काठमाडौं महानगरपालिका कार्यदलको प्रस्तावप्रति भक्तपुर नगरपालिकाको गम्भीर आपत्ति

    भक्तपुरको सल्लाघारीलाई बसपार्क बनाउनुपर्ने काठमाडौं महानगरको निष्कर्ष

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...