भक्तपुर, ७ मङ्सिर २०७८ भक्तपुरमा उत्कृष्ट करदाताको रुपमा यो वर्ष पनि युवा व्यवसायी होमप्रसाद गौतम (मुकुन्द) सम्मानित भएका छन् । उनी गत वर्ष पनि सम्मानित भएका थिए ।
आन्तरिक राजस्व कार्यालय भक्तपुरले वर्षेनी राष्ट्रिय कर दिवसको अवसर पारेर उत्कृष्ट करदातालाई सम्मान गर्दै आइरहेको छ । गत वर्ष नवौं राष्ट्रिय कर दिवसका अवसरमा समेत सम्मानित व्यवसायी गौतमले यो वर्ष दशौँ राष्ट्रिय कर दिवसमा पनि उत्कृष्ट करतादाको सम्मान प्राप्त गर्न सफलता प्राप्त गरेका छन् ।
“स्वेच्छिक कर सहभागितामा अभिवृद्धि : सुशासन, विकास र समृद्धि” भन्ने मूल नाराका साथ शुरु भएको कर सप्ताह कार्यक्रम अन्तर्गत आन्तरिक राजस्व कार्यालय भक्तपुरले आईतबार उत्कृष्ट करदाता सम्मान गौतमलाई प्रदान गरेको हो । उनले सबैभन्दा बढी आय कर दाखिला गरेकाले सम्मान गरिएको आन्तरिक राजस्व कार्यालय भक्तपुरले जनाएको छ ।
मेडिगोल्ड इन्टरनेशनल प्रालिका संचालक गौतम ‘मेडिकल सप्लायर्स’ हुन् ।
यो पनि