भक्तपुर, २८ जेठ २०७९ नेकपा(एमाले) का उम्मेदवार गोलाप्रथाबाट जिल्ला समन्वय समिति भक्तपुरको प्रमुखमा निर्वाचित भएका छन् । कम्युनिष्टहरु भाग्यमा विश्वास नगर्ने भएपनि जिसस प्रमुखका एमाले उम्मेदवार ईश्वरबहादुर थापालाई भने भाग्यले साथ् दिंदा प्रमुख बन्ने अवसर प्राप्त भएको छ ।
नेपाली काँग्रेसका उम्मेदवार सूनपा – २ का जनार्दन खड्कासंग मत बराबरी भएपछि गोला तान्दा थापाको पक्षमा १ मत थपिएको र उनी निर्वाचित भएका मूख्य निर्वाचन अधिकृतको कार्यालयले पुष्टि गरेको हो । मतपरिणाम अनुसार एमालेका थापाले गोला तान्दा ४ मत प्राप्त गरेपनि काँग्रेसका खड्काले ३ मत र नेमकिपाका उम्मेदवार हरिरत्न गोर्खालीले २ मत प्राप्त गरेका मूख्य निर्वाचन अधिकृत गोपालप्रसाद बास्तोलाले बताए ।
नवनिर्वाचित प्रमुख थापा सूनपा – ७ गुन्डुका पुराना नेता एवं सांसद महेश बस्नेतका राजनीतिक गुरु समेत हुन् ।
उप प्रमुखमा भने काँग्रेसकी सुजाता बाडेले बाजी मारेकी छन् । एमालेकी रामकेसरी संग मत बराबरी भएपछि गोला हान्दा सुजाताको पक्षमा परिणाम आएको छ । नेमकिपाकी सरिता देउलाले २ मतमै चित्त बुझाउनुपरेको छ ।
५ सदस्यका लागि समेत एमाले र काँग्रेस उम्मेदवारहरुको मत बराबरी भएपछि गोला हान्नु परेको थियो । गोला हान्दा ४ सदस्य एमालेबाट बिजयी भएका छन् भने काँग्रेसको तर्फबाट एक सदस्य बिजयी बन्न सफल भएका छन् । यसरी भाग्यले साथ् दिंदा एमालेले प्रमुख सहित ५ पद पाएको छ भने काँग्रेस उप प्रमुख सहित २ पदमा चित्त बुझाउन बाध्य बनेको छ ।
यो पनि
जिल्ला समन्वय समितिका लागि मतदान शुरु, गोलाप्रथाद्वारा निर्णयको संकेत