भक्तपुरपोष्ट संवाददाताभक्तपुर, २९ असार २०७९
भक्तपुर, २९ असार २०७९सामाजिक सञ्जाल कम्पनी ट्विटरले विश्वका सबैभन्दा धनी व्यक्ति एलन मस्कविरुद्ध मुद्दा दायर गरेको छ । ट्विटर किन्ने सम्झौता रद्द गरेसँगै कम्पनीले टेस्लाका प्रमुख कार्यकारी निर्देशक मस्कविरुद्ध अमेरिकाको डेलावेयर अदालतमा मुद्दा दायर गरेको बीबीसीले जनाएको छ ।
गएको अप्रिलमा मस्कले ४४ अर्ब अमेरिकी डलरमा ट्विटर किन्ने सम्झौता गरेका थिए । त्यस बेला ट्विटरको प्रतिशेयर ५४ दशमलव २० डलरमा किन्ने सम्झौता भएको थियो । अदालतले मस्कलाई सम्झौता पूरा गर्नुपर्नै आदेश दिनुपर्ने कम्पनीको माग छ । गएको शुक्रवार एलन मस्कले ट्विटरले स्पाम र नक्कली खाताहरूको सङ्ख्याबारेमा पर्याप्त जानकारी नदिएकाले पछि हटेको बताएका थिए ।
एलन मस्क सम्झौताका लागि सहमत भएपछि टेस्लाको शेयरको साथै शेयर बजार घटेको र टेस्लामा मस्कको हिस्सा घटेको ट्विटरले दायर गरेको मुद्दामा भनिएको छ ।