भक्तपुरपोष्ट संवाददाताभक्तपुर, ३ साउन २०७९
भक्तपुर, ३ साउन २०७९ स्पेनमा केही समय यतादेखि धेरै गर्मी भएको र तातो हावा चलेको छ। तातो हावाबाट अहिलेसम्म ५१०को मानिसहरूको ज्यान गएको स्वास्थ्य मन्त्रालयले जानकारी दिएको छ।
स्पेनको मन्त्रालयले दिएको जानकारीअनुसार सोमबारसम्म तातो हावाबाट ज्यान जाने व्यक्तिको संख्या ५१० पुगेको छ। मन्त्रालयले देशको तापक्रम ४५ डिग्री सेल्सियस सम्म पुगेको छ भने गर्मीका कारण यससँग सम्बन्धित समस्याबाट मानिसहरूको ज्यान जाने क्रम पनि रोकिएको छैन। देशमा जुलाई १० तारिखदेखि गर्मी सुरु भएको हो। गर्मीका कारण त्यहाँको जनजीवन निकै कष्टकर बनेको पनि बताइएको छ।
त्यसयता पनि तातो हावाको असरले ज्यान जाने क्रम नरोकिएको भन्दै अधिकारीहरूले सोमबारसम्म ५१० जनाको मृत्यु भएको बताएका छन्। यसरी ज्यान जानेमा अधिकांश ज्येष्ठ नागरिक रहेका छन्। उनीहरूमध्ये ३२१ जना ८५ वर्षभन्दा माथिका नागरिक रहेका बताइएको छ।