पेरिस । एक सय १८ वर्षीय फ्रान्सेली भिक्षुणी लुसिल रान्डनको निधन भएको छ । उनी संसारकै सबैभन्दा वृद्ध व्यक्ति हुन् ।

सन् १९४४ मा भिक्षुणी बनेका उनी फ्रान्सको टुलोनमा रहेको आफ्नै नर्सिङ होममा सुतेकै अवस्थामा मृत्यु भएको हो ।

सन् १९०४ मा दक्षिणी फ्रान्समा जन्मेकी उनले दुई वटा विश्वयुद्ध देखिन् । भिक्षुणी बनेपछि उनले सिस्टर एन्ड्रे नाम धारण गरेकी थिइन् ।

दृष्टिविहीन र ह्वीलचेयरमा निर्भर रहे पनि सिस्टर एन्ड्रेले अरू वृद्ध मानिसहरूको हेरचाह गरेकी थिइन् । गत अप्रिलमा एक अन्तर्वार्तामा सिस्टर एन्ड्रेले आफ्नो कामले आफूलाई दीर्धायु जीवन बाँच्न सहयोग गरेको बताएकी थिइन् ।