भक्तपुर, ५ चैत्र २०७९ पाकिस्तान दूतावासले नेपाल-पाकिस्तान मैत्रीपुर्ण टी-२० क्रिकेट प्रतियोगिता २०२३को विजेतालाई ‘हिमालय शमशेर राना ट्रफी’ले पुरस्कृत गरेको छ । आठौँ संस्करणको सो खेलमा काठमाडौँको पल्सर क्रिकेट एक्सेलेंस सेन्टरले सो ट्रफी हासिल गरेको हो ।
शनिबार खेलको समापन तथा पुराकसार वितरण कार्यक्रमक प्रमुख अतिथि पुर्व परराष्ट्रियमन्त्री रमेश नाथ पाण्डेयले विजेता टोलीलाई सो ट्रफी हस्तान्तरण गरेका हुन् ।
कार्यक्रमलाई सम्बोधन गर्दै पुर्व परराष्ट्रियमन्त्री पाण्डेयले पाकिस्तान दूतावासले नेपाल-पाकिस्तान मैत्रीपुर्ण टी-२० क्रिकेट प्रतियोगिता २०२३ सफल बनाउन गरेको पहलबारे प्रशंसा गरे । यस्ता कार्यक्रमले खेलको मात्र विकास नभइ दुइ देशबीचको आत्मिय सम्बन्ध पनि राम्रो बनाउने मन्त्री पाण्डेयले बताएका छन् ।
प्रत्येक वर्ष पाकिस्तान दूतावासद्वारा आयोजित टी-२० क्रिकेट प्रतियोगिता सफलतापूवक सम्पन्न भएको छ । नौ दिन सम्म चल्ने टि-२० क्रिकेट प्रतियोगितामा १२ क्रिकेट टोलीले सहभागिता जनाएका थिए ।