मध्यपुर थिमि, ९ असोज २०८०मध्यपुर थिमिको नेपाल कोरिया मैत्री नगरपालिका अस्पतालमा सिटी स्क्यान सेवा शुरु भएको छ । मंगलवारबाट सो सेवा शुरु भएको हो ।
भारतबाट आएका प्राविधिकहरुले सिटी स्क्यान सञ्चालनका लागि आवश्यक प्राविधिक सेटिङ सम्पन्न गरेपछि मेसिन सञ्चालनमा आएको नगर उपप्रमुख विजय कृष्ण श्रेष्ठले बताए । अस्पतालमा सिटी स्क्यान सञ्चालन भएसँगै बिरामीहरुले थप गुणस्तरिय सेवा प्राप्त गर्ने नगरप्रमुख सुरेन्द्र श्रेष्ठले दावी गरेका छन् ।
निर्वाचनका बेला गरिएको स्वास्थ्य सम्बन्धी प्रतिवद्धता अनुसार नगर अस्पतालमा सिटी स्क्यान सेवा बिस्तार गर्न जनप्रतिनिधि तल्लीन थिए । गत १५ बैशाखमा अस्पताल स्थापनाको पन्ध्रौँ वार्सिकोत्सवका अवसर पारेर प्रमुख अतिथि रहेका प्रतिनिधि सभा सदस्य दुर्लभ थापाले अस्पतालको नवनिर्मित रेडियोलोजी भवन र सिटि स्क्यान सेवाको उद्घाटन गरेका थिए । सिटी स्क्यान जडान भएको लामो समयसम्म पनि प्राविधिक कारणले सञ्चालन हुन भने सकेको थिएन । अस्पतालका कार्यकारी निर्देशक डा. डि.के रौशनले मंगलवार केही परिक्षण स्क्यान गरिएको र बुधवारबाट सिटी स्क्यान नियमित सञ्चालन हुने जानकारी दिएका छन् ।
यो पनि
पन्ध्र वर्षमा नेपाल कोरिया मैत्री नगर अस्पताल : सिटि स्क्यान उद्घाटन, नर्सिङ्ग कलेजको उद्घोष