भक्तपुरपोस्ट संवाददाता भक्तपुर, २८ जेठ २०७९
भक्तपुर, २८ जेठ २०७९भक्तपुर सहित उपत्यकामा फेरिपनि ठूलो भूकम्पको धक्का महसुस भएको छ । गएराति २:३६ मिनेटमा भूकम्पले उपत्यकालाई नराम्ररी हल्लाएको हो ।
राष्ट्रिय भूकम्प मापन तथा अनुसन्धान केन्द्रका अनुसार उक्त भूकम्प ४.७ म्याग्नेच्युटको मापन गरिएको छ । भक्तपुरको चाँगुनारायण क्षेत्रलाई केन्द्रविन्दु बनाएर भूकम्प गएको केन्द्रले जनाएको छ ।
भूकम्पले मानिसहरुलाई घर बाहिर निस्कन बाध्य बनाएको थियो । यसले ७२ सालको महाभूकम्प सम्झाएको भन्दै मानिसहरु त्रसित बनेका छन् । राष्ट्रिय भूकम्प मापन तथा अनुसन्धान केन्द्रले यो नयाँ नभई गोरखा भूकम्पकै पराकम्पन भएको जानकारी गराएको छ ।