भक्तपुर, २१ भदौ नेपालको लागि अहितकर भनिएको बहुचर्चित मिलेनियम च्यालेञ्च कम्प्याक्ट(एमसीसी)को बिरोध गर्दा नेपाल मजदुर किसान पार्टीका कार्यकर्ता माथि ब्यापक प्रहरी दमन भएको छ । सोमबार राजधानी काठमाडौंमा बिरोध प्रदर्शन गर्न पुगेका कार्यकर्तामाथि ब्यापक प्रहरी दमन भएको हो ।
नेमकिपाको जनवर्गीय संगठन नेपाल क्रान्तिकारी विद्यार्थी संघ र नेपाल क्रान्तिकारी युवा संघको संयुक्त आयोजनामा आयोजित बिरोध प्रदर्शनमा प्रहरीले ब्यापक दमन गरेको विद्यार्थी नेता अनिल फोजूले बताए । पार्टीका केन्द्रीय सदस्य एवं बागमती प्रदेश सांसद सुरेन्द्रराज गोसाई, केन्द्रीय सदस्य रवीन्द्र ज्याख्व लगायत केन्द्रीय नेताहरुको नेतृत्वमा युवा तथा विद्यार्थीको टोली प्रदर्शनमा उत्रेको थियो । केन्द्रीय नेताहरुले प्रहरी प्रशासनसंग पत्राचार र समन्वय गरेको भएतापनि प्रहरीले दमन गरेको छ । एमसीसी सम्झौंता देशघाती भएको भन्दै खोरेजीको मागसहित शान्तिपुर्ण रुपमा जुलुस र सभा गरिरहेका प्रदर्शनकारी माथि प्रहरीले अनावस्यक हस्तक्षेप गरी दमन गरेको हो ।
महाराजगंजस्थित अमेरिकी दुतावास नजिक त्रिवि शिक्षण अस्पतालको पश्चिममा रहेका प्रदर्शनकारीहरूमाथि प्रहरीले अन्धाधुन्ध लाठ्ठी चार्ज गर्दा दर्जनौ प्रदर्शनकारी घाइते भएका छन् । युवा कार्यकर्ता कृष्णप्रसाद दुमरुको टाउकोमै ताकेर प्रहरी लाठ्ठी बर्साउदा उनी गंभीर घाइते हुन पुगेका छन् ।
प्रहरीले उनको टाउकोमै लाठ्ठी प्रहार गर्दा टाउको फुटेको छ । हाल त्रिवि शिक्षण अस्पतालमा उनको उपचार भइरहेको छ । उनको स्वास्थ्य अवस्था बुझ्न नेमकिपाका केन्द्रीय सदस्य एवं भक्तपुर नगरपालिकाका प्रमुख सुनिल प्रजापति, लगायतका नेताहरु अस्पताल पुगेका छन् ।
त्यस्तै प्रहरी दमनमा भक्तपुर नपा वडा नं १० का वडाध्यक्ष लक्ष्मीप्रसाद ह्यौमिखा, युवाहरू कृष्णप्रसाद कोजू, जगतराम धुख्वा, रत्ना चवाल, श्याम बासुकला, रामेश्वर रानामगर, दिनेश विक,श्याम बासुकला ,जगतराम धुख्वा , रोनित त्वायना लगायत दर्जनौं घाइते भएका छन् । रत्नपार्कबाट सुरु भएको जुलुस अमेरिकी दुतावास जाने क्रममा प्रहरीले जथाभावी लाठ्ठी प्रहार गरेको हो ।
आफ्नो शान्तिपुर्ण विरोध प्रदर्शनमा प्रहरी दमन भएको भन्दै नेपाल मजदुर किसान पार्टी केन्द्रीय समितिले गृह प्रशासनका अधिकारीहरुलाई कार्वाई गर्न माग गरेको छ । संघीय सांसद समेत रहेका सचिव प्रेम सुवालले प्रेस वक्तव्य जारी गर्दै दमनको कडा निन्दागरेका छन् ।
एमसीसी एसियामा युद्ध थोपर्ने र नेपालमा पनि अमेरिकी सैन्य अखडा राख्ने नियतसहित अगाडि बढाइएको निष्कर्ष सहित नेमकिपाले एमसीसी सम्झौता खारेजीको संघर्षमा साथ दिन समेत जनतासंग अपिल गरेको छ ।
यो पनि
ठूला लगानीका सञ्चारमाध्यमलाई प्रभावमा पारी एमसीसीको समर्थनमा लेखाइदैछ : गोसाई
नेकपा प्रतिवेदन: इन्डो-प्यासिफिककै रणनीति भएका कारण यथास्थितिमा एमसीसी गर्न नहुने